IL BRIGANTE

Spara schuppetta mia spara ch’è l’ura
cuntra de chine porta tirannia
spara e nud’avire mai paura
tu si cumpagna de la vita mia.

Tu c’hai zumpatu colle voschi e munti
tu chi t’ammucci sutt ‘a chilli manti
tu chi sparannu gridi canti e cunti
chille mille passate de briganti.

Canta sta Brigantiska a tuttu u munnu
mannala ccu ‘llu ventu ad ogne banna
vola finu allu sule russu e tunnu
edi lu core miu chi cci la manna.

Gridala forte e portala luntanu
falla sentire mo sta verità
junciale centu e centu e mille manu
ripigliuatilla sta tua libertà.

Tu c’hai sparatu ppe ‘llu rre Burbune
nun si fermata mai davanti a nente
tu chi nud’ hai volutu mai patrune
riportacella a tutta la tua gente.

Ripigliatilla ‘e chi ti la cacciata
rigalala a chine te vo bene
cha lu sa puru chine l’ha criata
ca certamente a ttie puru appartene.

Cantu sta Brigantiska senza sdignu
la cantu ca stu core nun se spagna
tu si ‘llu Vicerè de chistu Rignu
e Giosafatte ‘u rre de la muntagna.

Cantu sta Brigantiska finu a quannu
la vuce mia luntana sinne và
spara schuppetta mia jetta lu bannu
ca li briganti vonnu ‘a libertà.

Tantu campa nu rre tantu n’amanta
tantu chine alla vita nud’ha nente
tantu nu riccu, tantu nu pezzente
finu a cchi lu distinu cce accunsente.

La vonnu e ppo la circanu a ‘lli stilli
alle muntagne de la Sila antica
chi ‘lle ricoglia già de piccirilli
dintra le vraza de na granne amica.

La vonnu e po la circanu alla luna
chi l’accumpagna e ‘lle signa ‘lla via
e cantanu alla notte na canzuna
notte ‘e briganti, notte de magia.

E dissa a chilli tempi Giosafatte
alli briganti: “Ppe l’eternità
ccu sangu nostru nue facimu pattu
pigliamunilla si sta libertà”.

E dissa Giosafatte: “Ppe sta sorte
ppe chista terra e ppe sta libertà
spara schuppetta mia finu alla morte
ca de briganti nue murimu ccà
ca li briganti vonnu a libertà”

briganti (1)briganti

Rispondi

Inserisci i tuoi dati qui sotto o clicca su un'icona per effettuare l'accesso:

Logo di WordPress.com

Stai commentando usando il tuo account WordPress.com. Chiudi sessione /  Modifica )

Google photo

Stai commentando usando il tuo account Google. Chiudi sessione /  Modifica )

Foto Twitter

Stai commentando usando il tuo account Twitter. Chiudi sessione /  Modifica )

Foto di Facebook

Stai commentando usando il tuo account Facebook. Chiudi sessione /  Modifica )

Connessione a %s...